திராவிட இயக்கமும் சமூக நீதியும் – தொகுதி 1

திராவிட இயக்கமும் சமூக நீதியும்:

பதிப்புரை

தமிழ் இன, மொழி உணர்வு, சமூகநீதி, பகுத்தறிவு ஆகியனவற்றை அடிப்படையாகக் கொண்டு எழுந்த இயக்கம் திராவிட இயக்கம் இவற்றுள்ளும், சமூக நீதியே இயக்கத்தின் உயிர்நாடிக் கொள்கை எனச் சொல்லலாம். சமூக நீதிப் பயணத்தில் குறிப்பிடத்தக்க அளவு நடந்து வந்துள்ளோம் எனினும், இன்னும் செல்ல வேண்டிய தொலைவும் நீண்டதாகவே இருக்கிறது. அதனை உணர்ந்தே, திராவிட இயக்கத்திற்கும் சமூக நீதிக்குமான அடிப்படை உறவை விளக்கும் நோக்கில் இந்நூல் வெளிவருகிறது. திராவிட இயக்க தமிழர் பேரவை 2013ஆம் ஆண்டு வெளியிட்ட, திராவிட இயக்க நூற்றாண்டு மலரில் இடம்பெற்றிருந்த கட்டுரைகளில் சிலவே இந்நூலின் உள்ளடக்கம்.

திராவிட இயக்கம் குறித்த எதிர் வாதங்களும்,திரிபு வாதங்களும் தொடர்ந்து கொண்டே இருக்கின்றன. இருட்டை எதிர்த்துபப் போரிடுவதற்கான ஒரே வழி, ஒரு சிறு விளக்கையாவது ஏற்றுவதுதான் என்னும் நோக்கில் அன்றைய மலரும் இன்று இந்நூலும் வெளிவந்துள்ளன.

– பெல் ராஜன்

இயக்குனர்,

கருஞ்சட்டை பதிப்பகம்